2010/12/16



Kaixo lagunok!

Heldu zaigu urteko azkeneko Zer ein buletina. Oraingo honetan agenda goraino dago! Tomas deuna, Gabonak… badugu non pasa egun hotz hauek.

Ondo ibili!

2010/12/01

Abenduaren 3a, euskararen eguna



Abenduaren 3a, ostirala, euskararen eguna da. Modu berezian euskaraz gozatzeko aukera paregabe izango dugu. Dena den, ez ahaztu euskara gure eguneroko jantzia dela, egunero erabili beharrekoa

2010/11/30


Kaixo lagunok!

Dagoeneko abendua berton dugu eta honekin batera Durangoko Azoka ere iritis da. Hori eta beste hainbat kontu dakarzkizuegu gure Zer ein buletinean.

Ondo ibili eta ez hotzik pasa!




2010/11/16

Zer moduz doa dena lagunok? neguko arropak atera ditugu armairutik? azaroko egun euritsuei errazago aurre egiteko zer ein buletina bidaltzen dizuegu, agenda goraino izan dezazuen!

Egin klik hemen ikusi ahal izateko

Laster arte lagunok!

2010/10/27

aurkezpena


Ostegunean, azaroaren 4an, 19:00etan Kalderapekon Berbalagunek aurtengo aurkezpena egingo du. Gainera, “Erle euskalduna” antzezlanaz gozatu ahal izango dugu. Ondoren luncha eta poteoa! Animatu eta parte hartu!

2010/10/13

Liher naiz, dinamizatzaile berria


Kaixo berbalagun!

Liher naiz, aurten zuekin batera arituko den dinamizatzailea. Zuek ezagutzeko gogo handia dut. Laster izango gara elkarrekin,


ondo ibili lagunok!

2010/10/01

atera arbela kalera



hasteko prest berbalagunok?

ikasturte honetan ere arbela kalera, Euskara Bilboko kantoi guztietara eta zu, berbalaguna, ondo pasatzera!

oraindik ez bazara zure berbataldearekin biltzen hasi, jar zaitez gurekin harremanetan lehenbailehen eta zure inguruko lagun euskaldunei animatu parte har dezaten.

berbalaguna@aek.org

648250177


2010/06/01

udan ere euskara praktikatu!



Udako eskaintzaren barruan, aurton ere, praktikatzeko barnetegiak antolatu ditu AEK-k. Bi dira aurtengo eskaintzak:
Barnetegi ibiltaria (oinez) Lehen aldiz, uztailaren 3tik 18ra Euskal Herria mendirik mendi zeharkatuko dugu mutur batetik bestera.
Barnetegi ibiltaria (bizikletaz) Aurtengoa 10. edizia izango da eta ziurrenik, uztailaren 17tik 31ra Euskal Herriko hainbat txokotan ibiltariko txirrindulariak topatuko dituzue.
Barnetegi hauen prezioa: 450 euro dena barne
Izena ematea: ibiltaria@aek.org edo telefono hauetara:

  • barnetegia oinez: 663 030 568 (azken eguna: ekainaren 24a)
  • barnetegia bizikletaz: 630148 159 (azken eguna: uztailaren 8a)

2010/05/26

ibilaldia 2010

Badator Ibilaldia!

Euskaldun! Ez dago aitzakiarik igande honetan Bermeon daukagun hitzordu honetara ez joateko.

Ez garraio eza: Euskotrenek zerbitzu bereziak eskainiko ditu igandean Bermeora hurbildu nahi duen ororentzat. Geraldien murrizketari esker, Bermeora ohikoa den baino lehenago heltzeko aukera izango dugu. Euskotrenek, denon mesederako, joan-etorri txartelak erostea gomendatzen du. Informazio gehiago hemen

Ez aspertuko ote zaren beldur: begiratu Ibilaldia 2010 eko egitaraua ea zer irdutzen zaizun! ziur nago interesatzen zaizun gauza bat baino gehiago topatuko duzula. Begira begira! Egitaraua

Ez eguraldi txarra. Euskalmeten arabera, igande honetan, ez du euririk egingo, eta aurreko egunekin konparatuta, tenperaturek gora egingo dute. Eguzkiak ez du gogor joko, lainoak egongo baitira. Informazio gehiago hemen

anima zaitez! euskarak luzatzen dizun gonbidapena onartu eta egunaz gozatu!

Informazio gehiago: abestia, mapak, logoa, argazkiak… http://www.ibilaldia.com-en

2010/05/13

mintza eguna 2010


Ba al dakizue Berbalagunok ere gure eguna daukagula? Bai, Berbalagun eguna edo Mintza eguna. Ondo pasatzeko, euskaraz gozatzeko eta jendea ezagutzeko aitzakia ezin hobea dugu egun hau, baita proiektu honetan parte hartzen dugun guztiontzako omenaldi eta saria.

Aurtengoa Arrasaten izango da, eta jende asko espero dugu, zorionez, gero eta berbalagun gehiago baitago. Bilbotik joan nahi duzuenontzat autobusa antolatzen saiatuko gara (beti ere, kontuan izan beharko dugu joaten direnen kopurua nahikoa dela autobusa betetzeko) 10 eurotan

Egitaraua hemen duzue:

11:00etan Ongi etorri berbalagun guztioi eta hamaiketakoa denontzat plazan.

12:00etan Ibilaldi gidatua Arrasatetik

13:30etan Kalejira ( berbalagun guztiok dantzan herria zeharkatuko duen kalejiran)

14:30etan Bazkaria herriko plaza nagusian (20 eurotan)

15:30etan Sari banaketa berezia

16:00etan Erromeria KATAIA taldearekin

Bazkari txartelak eta autobusa ordaintzeko azken eguna maiatzaren 21a. Izena ematearekin batera (idatzi telefonoa),ordaindu beharko da.

Gogoratu! bazkaria + autobusa: 30 euro

Izena emateko:

Lizardi euskaltegian ( Txakur kalea1, 1.pisuan)

Indautxu euskaltegian (Urkixo 88, 1.pisuan)

Zorrotzako euskaltegian (Zalbidea 7, behea)

Iralako Urtats euskaltegian (Kirikiño 22)

2010/04/22

asteburu pasa Lesakan


Nafarroako Lesaka herri inguruan dauden ibilbide zoragarriez gozatuz, euskara praktikatzeko aukera eman nahi dizugu txango honen bitartez.


Data: maiatzak 1 eta 2

Prezioa: 35 euro

(bidesariak, gasolina, afaria, gosaria eta lo egitea)

Izena emateko epea:

apirilaren 21etik 28ra


maiatzaren 1ean (larunbata)

Goizean goiz, Bilbotik irten eta Urdazubi herrira abiatuko gara. Bertan gure lehenengo txangoari ekingo diogu: Sorginen ibilbidea. Urdazubi, Zugarramurdi eta Sarako kobak lotzen dituen bide honi jarraituko diogu ordu eta erdiko ibilaldian, eta kondairaz betetako leizeak bisitatzeko aukera izango dugu. Bukatutakoan, etxetik ekarritako janaria bazkalduko dugu

Arratsaldean Bortziriak ezagutzera joango gara autoz (Bera, Lesaka, Igantzi, Arantza eta Etxalar) herri bakoitzean geldiune laburra egiteko aukera galdu barik

Gauean aterpetxean afaldu eta Lesakako giroaz gozatuko dugu.

Aterpetxea: Matxinbeltzenea http://www.matxinbeltzenea.com


maiatzaren 2an ( igandea)

Aterpetxean gosaldu eta Hendaiako Abbadiako parke naturalean sartuz, paisaia ikusgarriez betetako ibilbidea egingo dugu. Eguerdiko plana egunaren arabera zehaztuko dugu (hondartzan bazkaldu, Hondarribira joan…) Eta, arratsalderako Bilbon egongo gara, hurrengo astelehenaren aurrean energia eta kontakizunez beteta

Bidaia honetarako autoak eramatea ezinbestekoa denez, autoa eramateko prest daudenen zerrenda ere osatu beharko dugu, beraz, izena ematerakoan, datu hau aipatu beharko da. Kontuan izan gasolina eta bidesariak bertan azaltzen den prezioan sartu ditugula, beraz, denon artean ordainduko ditugula.

Eman izena lehenbailehen, kopuru mugatua baitago!

berbalaguna@aek.org / 648250177

2010/04/12

egunkaria absolbituta



Gaur, 2010eko apirilak 12, Joan Mari Torrealdai, Iñaki Uria, Txema Auzmendi, Martxelo Otamendi eta Xabier Oleaga 'Egunkaria'-ko itxiera kasuko auzipetuak zigorrik gabe utzi ditu Espainiako Auzitegi Nazionalak, deliturik ez zutela egin argudiatuta. Epaimahaiak aho batez hartu du erabakia.

Kazeta ixteko erabakiak Espainiako Konstituzioaren babesik ez zuela izan eta, adierazpen askatasun eskubidea aintzat hartuta, kazeta itxi aurretik beste aukera batzuk bazeudela onartu da.Tortura salaketez "inkomunikazioan nahikoa kontrol judizialik" ez zela egon" aipatu da.

Zazpi urte pasatu dira Guardia Zibilak, Espainiako Auzitegi Nazionalaren aginduz, 'Euskaldunon Egunkaria' itxi zuela. Eraso judizial hark izugarrizko lurrikara politikoa eragin zuen Euskal Herrian, eta jasotako elkartasuna eta gizartearen erantzuna ere tamaina berekoa izan da orain arte.

Egindako mina ez da inoiz ahaztuko, baina gaur, min horren zati handi bat irribarre bihurtu dugu Euskal Herrian. Milioika irribarre zuentzat, Joan Mari, Iñaki, Txema, Martxelo eta Xabier. Eta beste horrenbeste zuretzat, Egunkaria!

Irakurri gehiago

2010/03/10

AIZU aldizkaria merkeago berbalagunentzat



AIZU! oinarrizko euskaraz idatzitako aldizkaria da, euskara ikasten ari den edota euskaraz irakurtzeko ohiturarik ez duen ororen lagungarri. AEK-k argitaratu eta harpidetza bidez jaso daiteke norberaren etxean, irakurle ororentzako moduko aldizkaria baita.

AIZU! aldizkariak urtean hamar ale kaleratzen ditu (hileko bat, abuztuan eta urrian izan ezik), eta batez ere gizarte eta kultura gaiak lantzen ditu, erreportaje, elkarrizketa eta albiste laburren bidez. Komikiak, denbora-pasak eta euskal gramatikaren inguruan sortzen diren zalantzak argitzeko txokoa ere biltzen ditu bere orrietan. Testu guztiak daude euskara errazean idatzita eta hiztegi sarreratxoen laguntza dute, hitz eta egitura zailenak ulertu ahal izateko.

Mintzapraktika egitasmoetan (berbalagun, mintzalagun...) parte hartzen baduzu urteko harpidetza merkeago egingo dizugu. Bete datu hauek eta zurekin jarriko gara harremanetan.

2010/03/08

euskarazko harremanak izateko zerbitzua doan berbalagunentzat

kaixomaitia.com kontaktu edo harremanak euskaraz bideratzeko web ordaindutako zerbitzua da. Bertan euskarazko harremanak izateko eta gainerako lagunekin mezuak trukatzeko aukera dago.

Facebook-eko praktikatu AEKren lagunek hiru hilabeteko harpidetza osoa doan izango dute apirilaren 30era arte Facebook-en Kaixo Maitia taldearen zale eginez gero. Beraz, badakizu, facebooken sartu, egin praktikatu AEKren laguna eta topatu kaixo maitian zure laranja erdia.

Kaixomaitia.com zer den ikusteko hemen duzu bideo bat.

2010/02/18

zatoz berbalagunekin sagardotegira!



Martxoaren 13an Getxo, Mahatserri eta Bilbo Erdialdeko Berbalagunok sekulako plan berezia antolatu dugu euskaraz gozatu nahi duen ororentzat:

Goizean, nahi dutenek, Ekaingo koben erreplikaren museora joateko aukera izango dute (bisita gidatua) , gero, denok elkartuko gara Astigarragan dagoen Astarbe sagardotegian bazkari ederraz gozatzeko, eta arratsaldean ( batzuek gauean ere bai), Hernaniko giroaz gozatuko dute.

Sagardoa, txuleta, trikitixa, bertsoak, kantak…Ederto pasatzeko hamaika osagai emango dizkizuegu egun euskaldun paregabea igaro dezazuen.

Bi autobusetan joango gara, eta autobus bakoitzak ordutegi desberdina izango du

1.autobusa: 9:00etan aterako da Bilbotik eta 20:00etan bueltatuko da

2.autobusa: 12:00etan aterako da Bilbotik eta 3:00etan bueltatuko da (autobus honetakoek ezin izango dute museoa ikusi)

Izena ematerakoan zein autobusetan joan nahi duzuen konkretatu behar duzue. Printzipioz ez dago ordutegi biak nahasteko aukerarik ( adibidez, 9:00etan joan eta 3:00etan bueltatu) baina lekuren bat libre badago autobusean, aukera emango zaie zerrendako lehenengoei ordua aldatzeko. Ez da ziurtatzen aldaketarik onartuko dugunik baina, badaezpada ere, izena ematerakoan, nahi izanez gero, beste ordutegi bat nahi duzuela aipa dezakezue.

Aurreko urteetako arrakasta ikusita, izena eman nahi baduzue, lehenbailehen egin dezazuela eskatzen dizuegu ( ez ahaztu konkretatzea zein autobusetan joan nahi duzuen) Izenarekin batera zuen telefono zenbakia eskatuko zaizue edozein aldaketaren berri eman ahal izateko.

Berbalagunak ez bazarete ere, gurekin etor zaitezkete, baina ez ahaztu, euskara praktikatzeko den ekintza honetarako euskara jakitea ( gutxi bada ere) ezinbestekoa dela!

ez al duzue txuletaren usaina nabaritzen?

mmmmmm

animatu!

Prezioa: 38 euro guztiontzat

Izena emateko ( izena ematearekin batera ordaindu egin beharko duzue)

Lizardi AEK euskaltegian ( Txakur kalea, 1, 1.pisua)

goizean: 10:00 – 14:00

arratsaldean: 16:00 – 18:00

Indautxu AEK euskaltegian (Urkixo 88, 1.pisua)

goizean: 10:00 – 14:00

arratsaldean: 17:00 – 19:00


bideoa ikusteko:
http://animoto.com/play/1z35h1fhvE4DpNCotn8ojQ?utm_source=asapala.org&utm_medium=player&utm_campaign=player#

2010/01/18

zer ein datozen egunotan?

2010ean ere euskaraz gozatu, euskara erabili!

Hemen duzu hainbat ideia, ea zure gustuko zerbait topatzen duzun!

Handiago ikusi ahal izateko sakatu irudiaren gainean