Bilbon gabiltzan berbalagun guztiok elkar ezagutzeko eguna heldu da. Abenduaren 4an, ostegunean, arratsaldeko 20:00etan batuko gara. Bilbo Zaharreko Ziburu tabernan, hain zuzen (Klikatu gainean non dagoen jakiteko).
Aurten Bilbo Zaharrean talde batzuk sortu dira GITE-IPES elkartearekin elkarlanaren harira eta hori ospatzeko edo, bertan egitea ideia ona iruditu zaigu.
Egun horretarako, nahi baduzue, ekarri etxetik egindako zerbait jateko (tortilla, pastela eta abar), eta musika instrumenturen bat jotzen badakizu, ere bai. Bertan, musika, kanta-saioa eta zozketa mundiala topatuko duzue. Hori guztia, Lizardi Mintza Taldeko Musikariek girotuta.
Gero eta gehiago gara Bilbon gabiltzan berbalagunak (Indautxu, Zazpi Kaleak, Zorrotza, Deustu, Olabeaga, Bilbi, Miribilla, Mahatserria ...) eta hau dugu elkartzeko aitzakia ezin hobea.
Gonbitea luzatuta, beraz.
Bertan ikusiko dugu elkar.
No hay comentarios:
Publicar un comentario